World
ایرانی وزارت انٹیلی جنس کا جنگی حالات میں آپریشنل صلاحیتیں بڑھانے کا فیصلہ
ایرانی وزارت انٹیلیجنس نے جنگی حالات میں اپنی آپریشنل صلاحیتیں بڑھانے کا فیصلہ کرتے ہوئے مجوزہ قانونی ترامیم کے حوالے سے پارلیمنٹ کے سپیکر محمد باقر قالیباف کو خط ارسال کردیا ہے، جس میں قانون سازی اور ادارہ جاتی اصلاحات کے لیے تعاون کا اعلان کیا گیا ہے۔
ایرانی میڈیا کے مطابق وزارت انٹیلیجنس نے جنگی حالات کے دوران ملک کے انٹیلیجنس اداروں کی آپریشنل صلاحیتوں میں اضافے کی ضرورت پر زور دیا ہے۔
وزارت انٹیلیجنس نے حالیہ تنازع کے بعد اندرونی اور بیرونی مخالفین کے خلاف انٹیلیجنس آپریشنز تیز کرنے کا بھی اعلان کیا ہے۔
ایرانی وزارت انٹیلیجنس نے قومی سلامتی کے تحفظ کے عزم کا اعادہ کرتے ہوئے اس سلسلے میں عوامی اور پارلیمانی حمایت کو سراہا ہے۔