پاکستان تحریک انصاف (پی ٹی آئی) کی رہنما زرتاج گل نے کہا ہے کہ 9 مئی کے بعد تحریک انصاف کے لیے کوئی دن بھی آسان نہیں گزرا، مگر پارٹی اپنے نظریے کی بھاری قیمت ادا کر رہی ہے۔
اسلام آباد میں جوڈیشل کمپلیکس کے باہر میڈیا سے گفتگو کرتے ہوئے انہوں نے کہا کہ بانی پی ٹی آئی مقدمات کا سامنا ملک میں موجود رہ کر کر رہے ہیں، وہ فرار نہیں ہوئے، بلکہ قانونی عمل کا حصہ ہیں۔
زرتاج گل نے کہا کہ پی ٹی آئی خاندانی جماعت نہیں، یہاں کارکن سوال کرنے کا حق رکھتے ہیں اور فیصلے پارٹی کے نظریاتی سربراہ ہی کرتے ہیں، جنہیں سب قبول کرتے ہیں۔
انہوں نے انسداد دہشت گردی کی عدالت میں بانی پی ٹی آئی کو پیش کرنے کا مطالبہ کیا اور کہا کہ اگر خیبرپختونخوا میں حالات سازگار ہوتے تو سینیٹ انتخابات میں پی ٹی آئی مزید سیٹیں جیت سکتی تھی۔
زرتاج گل نے بانی پی ٹی آئی کے بیٹوں کو "بہادر" قرار دیتے ہوئے کہا کہ اگر وہ پاکستان آئیں تو ان کا بھرپور خیرمقدم کیا جائے گا۔
دیکھیں
