پشاور: خیبرپختونخوا کے مشیر اطلاعات بیرسٹر سیف کی سربراہی میں 12 رکنی اعلیٰ سطحی وفد چین روانہ ہو گیا۔ دورہ چینی وزارت خارجہ کی دعوت پر انٹرنیشنل کونسل فار ریلیجس افیئرز کے مذہبی سفارتکاری پروگرام کے تحت کیا جا رہا ہے۔
وفد میں صوبائی وزیر مذہبی امور عدنان قادری، وزیر سماجی بہبود قاسم علی شاہ، سکندر شیرپاؤ، ڈی جی اسلامک ریسرچ انسٹیٹیوٹ ڈاکٹر ضیاء، ترجمان وفاق المدارس مولانا عبدالقدوس، نائب صدر دارالعلوم کراچی مولانا زبیر اشرف عثمانی سمیت دیگر شخصیات شامل ہیں۔
بیرسٹر سیف کا کہنا تھا کہ اس دورے کا مقصد چین اور مسلم دنیا کے ساتھ سماجی، مذہبی اور ثقافتی روابط کو فروغ دینا ہے۔ وفد ارومچی، کاشغر اور بیجنگ سمیت مختلف شہروں کا دورہ کرے گا۔
وفد کی چینی وزارت خارجہ کے حکام، کمیونسٹ پارٹی رہنماؤں، مسلم لیڈرز اور تعلیمی اداروں سے ملاقاتیں شیڈول ہیں، جن سے پاکستان اور چین کے درمیان دوستی اور تعاون مزید گہرا ہوگا۔
دیکھیں
