بنگلہ دیش کی معروف ماڈل اور مس ایشیا گلوبل کا اعزاز حاصل کرنے والی اداکارہ شانتا پال کو بھارت کے شہر کولکتہ میں جعلی دستاویزات جمع کرانے کے الزام میں گرفتار کر لیا گیا ہے۔
بھارتی میڈیا کے مطابق، 28 سالہ اداکارہ کو 30 جولائی کو ان کے کرائے کے اپارٹمنٹ سے حراست میں لیا گیا۔ پولیس کے مطابق، شانتا پال پر الزام ہے کہ انہوں نے بھارت میں رہائش حاصل کرنے کے لیے جعلی بھارتی شناختی دستاویزات جمع کروائیں۔
پولیس کا کہنا ہے کہ گرفتار اداکارہ کے قبضے سے برآمد ہونے والی دستاویزات کی چھان بین کی جا رہی ہے اور ان کی مختلف سرکاری اداروں سے تصدیق کی جا رہی ہے تاکہ ان کی اصلیت کا تعین کیا جا سکے۔
شانتا پال کے خلاف مقدمہ درج کر کے تحقیقات کا آغاز کر دیا گیا ہے۔ ابتدائی اطلاعات کے مطابق، وہ طویل عرصے سے کولکتہ میں مقیم تھیں۔
دیکھیں
