پاکستان پیپلز پارٹی کے چیئرمین بلاول بھٹو زرداری نے یومِ شہدائے پولیس کے موقع پر پولیس فورس کے شہید افسران اور جوانوں کو زبردست خراج عقیدت پیش کیا۔ انہوں نے شہداء کے خاندانوں سے اظہارِ یکجہتی کرتے ہوئے کہا کہ پولیس کے یہ بہادر بیٹے اور بیٹیاں قوم کا فخر ہیں۔
"فرائض کی ادائیگی کے دوران جانوں کا نذرانہ پیش کرنے والے پولیس اہلکاروں کو سلام پیش کرتا ہوں۔" – بلاول بھٹو زرداری
چیئرمین پیپلز پارٹی نے کہا کہ پولیس کا ہر شہید بہادری کی ایک جیتی جاگتی علامت ہے اور ہمیں اس بھاری قیمت کی یاد دلاتا ہے جو قیامِ امن کے لیے ادا کی گئی۔
"ہمارے پولیس شہداء امن کے خاموش نگہبان ہیں، جن کی قربانیوں کی بدولت ہم پرسکون زندگی گزار رہے ہیں۔"
انہوں نے اس عزم کا اعادہ کیا کہ:پولیس شہداء کے اہل خانہ کی فلاح و بہبود کیلئے پیپلز پارٹی ہمیشہ پرعزم رہی ہے۔
ان قربانیوں کو ادارہ جاتی سطح پر تسلیم کیا جائے گا۔
تمام صوبوں کی پولیس فورسز کی خدمات ناقابلِ فراموش ہیں۔
بلاول بھٹو زرداری نے آخر میں کہا:"آئیے ہم پولیس شہداء کی یاد میں سر جھکائیں اور یہ عہد کریں کہ ہم ایک ایسا معاشرہ تعمیر کریں گے جو انصاف، امن اور وقار کی پاسداری کے اصولوں پر قائم ہو۔"
دیکھیں
