راولپنڈی کے نواحی علاقے روات میں ایک افسوسناک واقعے میں گلی سے گزرنے والی خاتون کو مبینہ طور پر چار افراد نے زبردستی اغوا کرنے اور زیادتی کی کوشش کی۔ خاتون کی مدعیت میں تھانہ روات میں مقدمہ درج کر لیا گیا ہے۔
ایف آئی آر کے مطابق، خاتون عنائیت شاہ کے گھر سے کام کے بعد واپس جا رہی تھیں کہ گلی میں موجود چار افراد نے انہیں دبوچ لیا اور قریبی کھیتوں میں لے گئے۔
ملزمان نے خاتون پر تشدد کیا، نازیبا زبان استعمال کی اور جنسی زیادتی کی کوشش کی۔ اس دوران دو ملزمان، کامران اور حارث، نے ویڈیو بنائی اور سوشل میڈیا پر وائرل کرنے کی دھمکی بھی دی۔
خاتون کی چیخ و پکار سن کر ان کے چچا اور بھائی موقع پر پہنچے، جنہیں بھی ملزمان نے تشدد کا نشانہ بنایا۔ متاثرہ خاتون کسی طرح فرار ہو کر گھر پہنچی۔
پولیس نے علی رضا، حارث، افضل اور کامران کے خلاف مقدمہ درج کرتے ہوئے ملزمان کی گرفتاری کے لیے چھاپے مارنے شروع کر دیے ہیں۔
دیکھیں
