ایشیا کپ 2025: پاک بھارت میچز نے اشتہارات اور سپانسرشپ ریٹس کو ریکارڈ سطح پر پہنچا دیا

news-banner

دنیا - 18 اگست 2025

ایشیا کپ 2025 میں پاک بھارت ٹاکرے کے باعث اسپانسرشپ اور اشتہارات کے نرخ تاریخ کی بلند ترین سطح پر پہنچ گئے ہیں۔


بھارتی میڈیا کے مطابق پاک بھارت میچ کے دوران 10 سیکنڈ کے ٹی وی اشتہار کی قیمت 16 لاکھ بھارتی روپے مقرر کی گئی ہے۔


کوپریزینٹنگ پارٹنرشپ 18 کروڑ، جبکہ ایسوسی ایٹ پارٹنرشپ 13 لاکھ بھارتی روپے میں دستیاب ہے۔ اشتہاری پیکیج کی قیمت 4.48 کروڑ روپے تک جا پہنچی ہے۔

 

ڈیجیٹل ایڈ ریٹس بھی آسمان کو چھو رہے ہیں، جہاں کوپریزینٹنگ اور ہائی لائٹس پارٹنرشپ 30، 30 کروڑ روپے جبکہ کوپاورڈ پیکیج 18 کروڑ روپے میں دستیاب ہے۔ رائٹس ہولڈرز کو ریکارڈ ویور شپ کی توقع ہے۔

 

ایشیا کپ 9 ستمبر سے یو اے ای میں شروع ہوگا۔ پاکستان اور بھارت ایک ہی گروپ میں شامل ہیں، پہلا میچ 14 ستمبر کو، دوسرا ممکنہ ٹاکرا سپر فور مرحلے میں 21 ستمبر کو اور فائنل میں پہنچنے کی صورت میں تیسرا مقابلہ بھی ممکن ہے۔