فیصل واوڈا کا گورنر سندھ پر طنزیہ تبصرہ: ’سافٹ ویئر اور نٹ بولٹ عارضی طور پر اپ ڈیٹ ہوگئے‘

پاکستان - 19 اگست 2025

سابق وفاقی وزیر اور سینیٹر فیصل واوڈا نے گورنر سندھ کا نام لیے بغیر طنزیہ انداز میں کہا ہے کہ ان کا سافٹ ویئر عارضی طور پر اپ ڈیٹ ہوگیا ہے اور نٹ بولٹ بھی عارضی طور پر ٹائٹ کر دیے گئے ہیں۔

نجی ٹی وی پروگرام میں جب فیصل واوڈا سے گورنر سندھ کامران ٹیسوی کے حالیہ بیان پر سوال کیا گیا تو انہوں نے کہا کہ وہ گورنر کے بارے میں بات کرنا پسند نہیں کرتے۔

یاد رہے کہ گزشتہ دنوں گورنر سندھ نے ایک تقریر میں کہا تھا کہ "بھائی واپس آ رہے ہیں اور کراچی کو ٹھیک کریں گے"، اور حاضرین سے پوچھا کہ کیا پرانی ایم کیو ایم واپس چاہیے۔

فیصل واوڈا نے اس پر طنز کرتے ہوئے کہا کہ بھائی واپس نہیں آ رہے لیکن "بھائی بھائی ہوگیا ہے"۔ انہوں نے مزید تجویز دی کہ پاکستان میں سیاسی عہدوں پر فائز ہونے والے افراد کا پہلے نفسیاتی ٹیسٹ ہونا چاہیے۔