بھارت نے ایشیا کپ 2025 کے لیے اسکواڈ کا اعلان کر دیا، سوریا کمار یادیو کپتان مقرر

news-banner

کھیل - 20 اگست 2025

بھارتی کرکٹ بورڈ (بی سی سی آئی) نے ایشیا کپ 2025 کے لیے ٹیم کا اعلان کر دیا ہے۔ سوریا کمار یادیو کو کپتان جبکہ شبمن گل کو نائب کپتان مقرر کیا گیا ہے۔

 

ایشیا کپ 2025 کا آغاز 9 ستمبر سے متحدہ عرب امارات (یو اے ای) میں ہوگا، جہاں افتتاحی میچ افغانستان اور نیپال کے درمیان کھیلا جائے گا۔

 

بھارت کا اسکواڈ:
سوریا کمار یادیو (کپتان)، شبمن گل (نائب کپتان)، ابھیشیک شرما، تلک ورما، ہاردک پانڈیا، شیوم دوبے، اکسر پٹیل، جیتیش شرما (وکٹ کیپر)، جسپریت بمراہ، ارشدیپ سنگھ، ورون چکرورتی، کلدیپ یادیو، سنجو سیمسن (وکٹ کیپر)، ہرشیت سنگھ رانا اور رنکو سنگھ۔

 

ٹورنامنٹ میں پاکستان اور بھارت کا بڑا مقابلہ 14 ستمبر کو ہوگا۔ اگر دونوں ٹیمیں سپر فور میں پہنچ گئیں تو ان کا دوسرا ٹاکرا 21 ستمبر کو متوقع ہے، جبکہ فائنل تک رسائی کی صورت میں 28 ستمبر کو دونوں روایتی حریف ایک بار پھر آمنے سامنے آسکتے ہیں۔