فچ کی رپورٹ: پاکستان کی شرح نمو 2027ء تک 3.5 فیصد متوقع، حکومت نے ڈیجیٹل ادائیگیوں کا نظام مضبوط کرنے کا فیصلہ کر لیا

news-banner

کاروبار - 19 اگست 2025

عالمی کریڈٹ ریٹنگ ایجنسی فچ کی تازہ رپورٹ کے مطابق پاکستان کی حقیقی شرح نمو 2027ء تک 3.5 فیصد رہنے کا امکان ہے۔ اس دوران، خصوصی سرمایہ کاری سہولت کونسل کی ہدایات کے تحت حکومت نے فیصلہ کیا ہے کہ تمام وفاقی ادارے، جن میں کیپیٹل ڈویلپمنٹ اتھارٹی، نیشنل ہائی وے اتھارٹی، پاکستان ریلوے اور دیگر شامل ہیں، رائٹ آف وے چارجز معاف کریں گے۔

 

وفاقی ملازمین کی تنخواہیں، پنشن اور وینڈر ادائیگیاں اب صرف راست (Raast) یا بینک ٹرانسفر کے ذریعے کی جائیں گی۔

 

مزید برآں، تمام بجلی، ٹیلی فون اور گیس کے بلوں پر QR کوڈ پرنٹ کیے جائیں گے تاکہ شہری ڈیجیٹل ادائیگی کر سکیں۔ حکومت اس بات کو یقینی بنائے گی کہ تمام پبلک ورکس ڈویژنز SAP پر مبنی ادائیگی کے نظام کو استعمال کریں۔

 

اسی طرح CDA، ایکسائز، IESCO، نادرا اور دیگر محکموں کے فیس کاؤنٹرز پر بھی QR کوڈ کے ذریعے ادائیگی کی سہولت فراہم کی جائے گی۔ وفاقی خریداریوں میں ڈیجیٹل انوائسنگ اور وینڈر ادائیگیوں کے لیے ایک معیاری اور شفاف نظام نافذ کیا جائے گا۔