پی سی بی نے 2025-26 کے لیے 30 کھلاڑیوں کو سینٹرل کنٹریکٹس جاری کر دیے

news-banner

کھیل - 19 اگست 2025

پاکستان کرکٹ بورڈ (پی سی بی) نے 2025-26 کے سیزن کے لیے قومی کرکٹرز کے سینٹرل کنٹریکٹس کا اعلان کر دیا ہے، جس کے تحت 30 کھلاڑیوں کو مختلف کیٹیگریز میں شامل کیا گیا ہے۔

 

کنٹریکٹس یکم جولائی 2025 سے 30 جون 2026 تک مؤثر رہیں گے۔ پرفارمنس کی بنیاد پر بی، سی اور ڈی کیٹیگری میں 10،10 کھلاڑیوں کو جگہ دی گئی ہے۔ گزشتہ برس 27 کھلاڑیوں کو کنٹریکٹ دیے گئے تھے، تاہم اس مرتبہ 12 نئے کھلاڑی فہرست میں شامل کیے گئے ہیں۔

 

رپورٹ کے مطابق 9 کھلاڑی اپنی سابقہ کیٹیگری برقرار رکھنے میں کامیاب رہے، جبکہ 8 کھلاڑی کنٹریکٹ حاصل کرنے میں ناکام ہو گئے۔

 

بی کیٹیگری کے کھلاڑی:

بابر اعظم، محمد رضوان، شاہین شاہ آفریدی، فخر زمان، شاداب خان، ابرار احمد، حارث رؤف، حسن علی، صائم ایوب اور سلمان علی آغا۔

 

سی کیٹیگری کے کھلاڑی:

عبداللہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صاحبزادہ فرحان، حسن نواز اور نعمان علی۔

 

ڈی کیٹیگری کے کھلاڑی:

شان مسعود، حسین طلعت، محمد عباس، محمد وسیم جونیئر، محمد عباس آفریدی، خوشدل شاہ، احمد دانیال، سلمان مرزا، خرم شہزاد اور سفیان مقیم۔

یاد رہے کہ گزشتہ سال اے کیٹیگری میں بابر اعظم اور محمد رضوان شامل تھے۔