ایس آئی ایف سی کی حکمت عملی کے تحت گرین پاک لیگون گڈانی کا افتتاح، سیاحت کے فروغ میں اہم سنگ میل

news-banner

کاروبار - 19 اگست 2025

پاکستان میں سیاحت کا شعبہ ایس آئی ایف سی کی موثر حکمت عملی کی بدولت ترقی کی راہ پر گامزن ہے۔

کراچی سے صرف ایک گھنٹے کی مسافت پر واقع گرین پاک لیگون گڈانی کا باضابطہ افتتاح کردیا گیا ہے جو گرین ٹورازم پرائیویٹ لمیٹڈ کی ایک اور معیاری پیشکش ہے۔

گڈانی کا پرسکون ساحل فیملیز، سیاحوں اور مہم جوئی کے شوقین افراد کے لیے یکساں طور پر پرکشش ہے۔ یہاں صاف شفاف پانی، تیراکی اور آبی سرگرمیوں، ماحول دوست سہولیات اور فوٹوگرافی پوائنٹس دستیاب ہیں۔ اس کے علاوہ کیفے اور ریفریشمنٹ ایریاز میں مقامی و کانٹینینٹل کھانے بھی مہیا کیے گئے ہیں جو فیملی پکنک اور تفریح کے لیے بہترین ہیں۔

سال 2024 میں پاکستان میں تقریباً 9 لاکھ 65 ہزار غیر ملکی سیاح آئے جنہوں نے 738 ملین ڈالر کی سرمایہ کاری کی۔ سیاحت کا جی ڈی پی میں حصہ 1.9 فیصد اور روزگار میں 1.7 فیصد ہے، جس میں مزید ترقی کے امکانات روشن ہیں۔

گرین پاک لیگون گڈانی کا افتتاح ملکی سیاحت کے فروغ، معیشت اور روزگار کے نئے مواقع کی نوید ہے۔ ایس آئی ایف سی کے تعاون سے گرین ٹورازم ملک میں پائیدار سیاحت کے ذریعے معیشت کو سہارا دینے میں نمایاں کردار ادا کر رہی ہے۔