پاکستان اسٹاک ایکسچینج میں نئی تاریخ رقم، انڈیکس پہلی بار 1 لاکھ 50 ہزار پوائنٹس عبور

news-banner

کاروبار - 19 اگست 2025

پاکستان اسٹاک ایکسچینج میں ریکارڈ ساز تیزی کا سلسلہ جاری ہے۔ کاروباری ہفتے کے دوسرے روز بھی مارکیٹ نے زبردست آغاز کیا اور تاریخ میں پہلی بار ہنڈرڈ انڈیکس 1 لاکھ 50 ہزار پوائنٹس کی حد عبور کر گیا۔

 

ٹریڈنگ کے دوران انڈیکس میں 2000 سے زائد پوائنٹس کا اضافہ ہوا اور یہ بلند ترین سطح 1 لاکھ 50 ہزار 323 پوائنٹس پر پہنچ گیا۔

 

سرمایہ کاروں کی بھرپور دلچسپی آٹوموبائل، کمرشل بینکنگ، سیمنٹ اور فارماسیوٹیکل سیکٹرز میں دیکھنے کو ملی، جبکہ بڑی کمپنیوں جیسے ڈی جی خان سیمنٹ، ایچ بی ایل، ایم سی بی، میزان بینک اور یو بی ایل کے شیئرز بھی مثبت انداز میں ٹریڈ ہوئے۔

 

ماہرین کے مطابق مارکیٹ میں یہ تیزی حکومت کی متوقع اصلاحات خصوصاً گردشی قرضے سے متعلق اقدامات کی خبروں کا نتیجہ ہے، جس سے توانائی کے شعبے میں لیکویڈیٹی بحران کم ہونے کی امید ہے۔

 

گزشتہ کاروباری روز بھی اسٹاک مارکیٹ میں انڈیکس 1704 پوائنٹس اضافے کے ساتھ 1 لاکھ 48 ہزار 196 پوائنٹس پر بند ہوا تھا۔

 

ادھر انٹربینک مارکیٹ میں ڈالر مزید 22 پیسے سستا ہو کر 281.80 روپے پر آگیا۔