ایشین باڈی بلڈنگ چیمپئن شپ میں پاکستان کی شرکت، اقربا پروری کے الزامات

news-banner

کھیل - 19 اگست 2025

 

تھائی لینڈ میں آج سے شروع ہونے والی ایشین باڈی بلڈنگ چیمپئن شپ میں پاکستان کی ٹیم بھی شریک ہے۔ تاہم ٹیم کے ساتھ جانے والے آفیشلز میں اقربا پروری کی نئی مثال سامنے آگئی ہے۔

پاکستان باڈی بلڈنگ فیڈریشن کے سیکرٹری سہیل انور کو کوچ بنا دیا گیا، ان کی اہلیہ ماریہ سہیل ریفری اور بیٹی مریم سہیل ٹرینی جج کے طور پر شامل ہیں۔ یوں ایک ہی گھرانے کے تین افراد آفیشلز کے طور پر پاکستان ٹیم کے ساتھ شریک ہیں۔

ناقدین کا کہنا ہے کہ بین الاقوامی ایونٹ کو "جوائے رائیڈ فیملی ٹور" میں بدل دیا گیا ہے۔ پاکستان سپورٹس بورڈ نے بھی ٹیم کی شمولیت کے لیے این او سی جاری کیا تھا۔

یاد رہے کہ پی ایس بی کے متنازعہ انتخابات کے بعد سہیل انور فیڈریشن کے سیکرٹری بنے تھے۔ ایونٹ میں پاکستان کے 9 باڈی بلڈرز حصہ لیں گے۔