پاکستان اسٹاک ایکسچینج کی تاریخی بلندی، وزیرِ اعظم کا اظہار اطمینان

news-banner

کاروبار - 19 اگست 2025

وزیرِ اعظم محمد شہباز شریف نے پاکستان اسٹاک ایکسچینج کے ہنڈرڈ انڈیکس کے 1 لاکھ 50 ہزار بیسس پوائنٹس کی تاریخی سطح عبور کرنے پر اطمینان کا اظہار کیا اور کاروباری برادری کے حکومتی پالیسیوں پر اعتماد پر شکریہ ادا کیا۔

وزیرِ اعظم نے کہا کہ اللہ کے فضل و کرم اور معیشت کی بہتری کے باعث سرمایہ کاروں اور تاجر برادری کا اعتماد بحال ہوا ہے۔ ملک ترقی کی جانب بڑھ رہا ہے لیکن مزید محنت درکار ہے۔

انہوں نے کہا کہ معاشی ٹیم نے شب و روز محنت سے معیشت کو مشکلات سے نکالا جبکہ سرمایہ کاروں اور تاجروں نے مشکل وقت میں بھی ملک میں معاشی سرگرمیاں جاری رکھیں جو قابلِ تحسین ہیں۔

وزیرِ اعظم نے مزید کہا کہ کاروبار کی ترقی اور سرمایہ کاری میں اضافے سے ملک میں روزگار کے نئے مواقع پیدا ہوں گے۔