بھارت کے وکٹ کیپر بیٹر رشبھ پنت کو ہیڈنگلے ٹیسٹ کے تیسرے دن امپائر کے فیصلے پر ناراضگی کا اظہار کرنے پر آئی سی سی کوڈ آف کنڈکٹ کے تحت ایک ڈی میرٹ دے دیا گیا ہے۔
آئی سی سی کی جانب سے جاری کردہ اعلامیے کے مطابق پنٹ نے آرٹیکل 2.8 کی خلاف ورزی کی، جو بین الاقوامی میچ کے دوران امپائر کے فیصلے پر برہمی یا اختلاف ظاہر کرنے سے متعلق ہے۔
واقعہ کی تفصیلات
انگلینڈ کی پہلی اننگز کے 61ویں اوور میں ہیری بروک اور بین اسٹوکس کریز پر موجود تھے۔ رشبھ پنت نے گیند کی حالت پر امپائرز سے تبادلہ خیال کیا اور گیند کی تبدیلی کی درخواست کی۔
تاہم جب امپائرز نے گیند گیج سے جانچ کے بعد تبدیلی سے انکار کر دیا، تو پنٹ نے ناراضگی کا اظہار کرتے ہوئے غصے سے گیند کو زمین پر پھینک دیا ۔
آئی سی سی کا ردعمل
یہ خلاف ورزی ہونے کے باعث پنٹ کو صرف وارننگ دی گئی اور ایک ڈی میرٹ پوائنٹ دیا گیا۔
رشبھ پنٹ پر یہ جرمانہ آن فیلڈ امپائرز کرس گفینی، پال رائفل، تھرڈ امپائر شرف الدولہ ابن شہید اور فورتھ امپائر مائیک برنز کی جانب سے عائد کیا گیا۔
میچ کی صورتحال
ہیڈنگلے ٹیسٹ دلچسپ مرحلے میں داخل ہو چکا ہے، جہاں میزبان ٹیم کو میچ جیتنے کے لیے 350 رنز درکار ہیں اور اس کی تمام 10 وکٹیں باقی ہیں۔
دیکھیں
