کراچی کے علاقے شاہ لطیف ٹاؤن میں افسوسناک واقعہ پیش آیا جہاں آٹھ بیٹیوں کی ماں 60 سالہ خاتون کو بہیمانہ تشدد کے بعد قتل کر دیا گیا۔ پولیس کو متاثرہ خاتون کی لاش سیکٹر اے 21 کی جھاڑیوں سے ملی۔
پولیس کے مطابق، خاتون کی لاش کو ضابطے کی کارروائی کے لیے اسپتال منتقل کیا گیا جہاں ابتدائی کارروائی کے بعد اسے مردہ خانے بھیج دیا گیا۔
حکام کا کہنا ہے کہ مقتولہ مبینہ طور پر ناظم آباد سے لاپتا ہوئی تھی، تاہم اس بات کی فوری تصدیق نہیں ہو سکی کہ جھاڑیوں سے ملنے والی لاش اسی خاتون کی ہے یا نہیں۔ پولیس نے ابتدائی کارروائی کے بعد لاش ورثا کے حوالے کر دی ہے، جب کہ واقعے کی مزید تفتیش جاری ہے۔
دیکھیں
