ریاض میں FOMEX 2026: میڈیا اور ٹیکنالوجی کی سب سے بڑی عالمی نمائش کا اعلان

سعودی دارالحکومت ریاض 2026 میں میڈیا اور ٹیکنالوجی کے شعبے کی سب سے بڑی عالمی نمائش FOMEX 2026 کی میزبانی کرے گا، جس میں دنیا بھر کی ممتاز کمپنیاں، ماہرین اور تخلیقی صنعتوں کے رہنما شریک ہوں گے۔

 یہ ایونٹ سعودی میڈیا فورم کے تحت منعقد ہو رہا ہے اور خطے میں ابلاغی و تخلیقی ٹیکنالوجی کے میدان میں ایک تاریخی سنگِ میل قرار دیا جا رہا ہے۔

نمائش 4 سے 6 فروری 2026 تک ریاض میں منعقد ہوگی، جس میں چھ بڑے موضوعاتی زونز شامل ہوں گے۔ اس دوران میڈیا پروڈکشن، براڈکاسٹنگ، آڈیو و ویڈیو کمیونیکیشن، اور ڈیجیٹل انوویشن سے متعلق جدید ترین ٹیکنالوجیز اور حل پیش کیے جائیں گے۔

ایونٹ میں تھامسن رائٹرز، ریڈیل، لاوو، آری، وِزلِنک، شور، زیرو ڈینسٹی، ویڈینڈم، فوجی نون، اور بی ایس براڈکاسٹ جیسی عالمی کمپنیاں شرکت کریں گی جو نشر و اشاعت، آڈیو ویڈیو پروڈکشن اور براڈکاسٹنگ میں جدید حل متعارف کرائیں گی۔

FOMEX 2026 کا بنیادی مقصد عالمی سطح پر ابلاغی صنعتوں کے درمیان تعاون کو فروغ دینا، نئے رجحانات کو اجاگر کرنا، اور سعودی عرب کو میڈیا ٹیکنالوجی کے مستقبل کی قیادت کے لیے ایک عالمی مرکز کے طور پر مستحکم کرنا ہے۔

مزید برآں، سعودی میڈیا فورم نے سعودی فلم کمیشن اور مانگا پروڈکشنز کے ساتھ شراکت کا اعلان کیا ہے، تاکہ تخلیقی پروڈکشن، انوویشن، اور ملکی صلاحیتوں کے فروغ کو تیز کیا جا سکے۔ یہ اقدام وژن 2030 کے تحت ثقافتی و تخلیقی صنعتوں کے استحکام کی سمت ایک اہم قدم سمجھا جا رہا ہے۔

ماہرین کے مطابق یہ ایونٹ سعودی عرب میں میڈیا اور ٹیکنالوجی کے شعبے کے لیے ایک نئے دور کا آغاز ثابت ہوگا۔