وفاقی وزیر امیر مقام نے سوات میں تجاوزات کے خلاف جاری آپریشن پر شدید ردعمل دیتے ہوئے کہا ہے کہ کارروائی کی آڑ میں شہریوں کی قانونی املاک کو نقصان پہنچانا قابلِ مذمت اقدام ہے۔
اپنے بیان میں انہوں نے خیبر پختونخوا حکومت کو آڑے ہاتھوں لیتے ہوئے کہا کہ صوبائی حکومت اپنی ناکامیوں پر پردہ ڈالنے کے لیے سیاحت کے شعبے کو بحران کی طرف دھکیل رہی ہے۔
امیر مقام نے الزام عائد کیا کہ ان کے ذاتی ہوٹل کی باؤنڈری وال گرائی گئی، جو دراصل سیاسی انتقام اور اصل مسائل سے عوام کی توجہ ہٹانے کی کوشش ہے۔ انہوں نے واضح کیا کہ ہوٹل کی ملکیت کے تمام قانونی دستاویزات، این او سی اور منظور شدہ نقشہ موجود ہیں اور وہ اس معاملے پر قانونی چارہ جوئی کریں گے۔
انہوں نے ان تمام متاثرہ افراد سے ہمدردی کا اظہار بھی کیا جنہیں اس آپریشن میں ناانصافی کا سامنا کرنا پڑا۔
دیکھیں
