پنجاب اسمبلی میں اپوزیشن کے 26 معطل ارکان کے خلاف ڈی سیٹ کرنے کی قانونی کارروائی شروع کر دی گئی ہے۔ اسمبلی سیکریٹریٹ ذرائع کے مطابق اسپیکر آفس نے اس معاملے پر محکمۂ قانون پنجاب سے باضابطہ مشاورت کا آغاز کر دیا ہے۔
معاملے پر آئینی و قانونی نکات کا تفصیلی جائزہ لیا جا رہا ہے، جب کہ اس ضمن میں اعلیٰ عدالتی فیصلوں کا بھی مطالعہ کیا جا رہا ہے، جن میں سابق چیف جسٹس عمر عطا بندیال کے حمزہ شہباز سے متعلق فیصلے پر خصوصی توجہ دی جا رہی ہے۔
یاد رہے کہ مذکورہ اپوزیشن ارکان کو وزیر اعلیٰ پنجاب مریم نواز کی تقریر کے دوران نعرے بازی اور احتجاج پر معطل کیا گیا تھا۔ اب اسپیکر آفس ان کی رکنیت کے خاتمے کے لیے آئندہ لائحہ عمل ترتیب دینے میں مصروف ہے۔
دیکھیں
