پاکستانی اداکارہ اسما عباس کو حالیہ دنوں سوشل میڈیا پر شدید تنقید کا سامنا ہے، جس کی وجہ بھارتی اداکارہ شفالی کی موت پر ان کا افسوس اور بیان ہے۔
شفالی، جنہوں نے مشہور ریمکس گانے ’کانٹا لگا‘ سے شہرت حاصل کی اور بگ باس سیزن 13 کی معروف امیدواروں میں شامل رہیں، 3 روز قبل صرف 42 برس کی عمر میں دل کا دورہ پڑنے سے انتقال کر گئی تھیں۔
اسما عباس نے اپنے یوٹیوب چینل پر ایک ویڈیو پیغام میں شفالی کی موت پر گہرے دکھ کا اظہار کرتے ہوئے کہا، "ایک چونکا دینے والی خبر ہے کہ بظاہر تندرست نظر آنے والی اداکارہ محض 42 برس کی عمر میں چل بسیں۔ افسوسناک بات یہ ہے کہ سنا ہے ان کی موت اینٹی ایجنگ انجیکشنز اور ٹریٹمنٹس کے باعث ہوئی۔"
انہوں نے مزید کہا، "آخر عمر رسیدہ ہونے میں کیا قباحت ہے؟ یہ قدرتی عمل ہے، جسے عزت سے قبول کرنا چاہیے۔"
اس بیان کے بعد سوشل میڈیا صارفین کی جانب سے اسما عباس کو تنقید کا نشانہ بنایا گیا، بعض نے ان پر غیرضروری ذاتی رائے دینے کا الزام لگایا جبکہ دیگر نے ان کے مؤقف کو جرات مندانہ اور حقیقت پسندانہ قرار دیا۔
دیکھیں
