صرف ایک ہفتے کا سوشل میڈیا بریک ذہنی صحت بہتر بنا سکتا ہے، تحقیق

ایک نئی سائنسی تحقیق سے معلوم ہوا ہے کہ سوشل میڈیا سے مختصر وقفہ لینا بھی ذہنی صحت پر مثبت اثرات ڈال سکتا ہے۔

جرنل جاما نیٹ ورک میں شائع ہونے والی اس تحقیق کے مطابق صرف سات دن تک سوشل میڈیا نہ استعمال کرنے سے اینزائٹی، ڈپریشن اور نیند کے مسائل میں نمایاں کمی دیکھی گئی۔

ہارورڈ یونیورسٹی کے محققین نے 18 سے 24 سال کے 295 نوجوانوں کا تین ہفتوں تک جائزہ لیا۔

 پہلے دو ہفتوں میں شرکا معمول کے مطابق سوشل میڈیا استعمال کرتے رہے، جبکہ تیسرے ہفتے میں سب نے ایک ہفتے کا بریک لیا۔

نتائج سے پتہ چلا کہ وقفہ لینے والوں میں اینزائٹی 16 فیصد، ڈپریشن تقریباً 25 فیصد جبکہ بے خوابی 14 فیصد کم ہوئی۔

 یہ اثرات اُن نوجوانوں میں زیادہ نمایاں تھے جن میں تحقیق کے آغاز پر ڈپریشن کی شدید علامات موجود تھیں۔