خیبرپختونخوا کی ضم شدہ اضلاع کے لیے کروڑوں ڈالر کے غیر ملکی قرضوں کا انکشاف

خیبرپختونخوا حکومت کی جانب سے گزشتہ پانچ برس کے دوران ضم شدہ قبائلی اضلاع کے لیے بھاری بھرکم غیر ملکی قرض لینے کا انکشاف سامنے آیا ہے۔

دنیا نیوز کو موصول دستاویزات کے مطابق، صوبائی حکومت نے 2020 سے 2025 کے دوران صرف دو بڑے منصوبوں کے لیے مجموعی طور پر 275 ملین ڈالر کا قرض لیا۔

 ان میں خیبرپختونخوا اکنامک کوریڈور کے لیے 75 ملین ڈالر اور خیبرپختونخوا رورل انویسٹمنٹ اینڈ انسٹیٹوشنل پراجیکٹ کے لیے 200 ملین ڈالر شامل ہیں۔

دستاویزات کے مطابق، ضم شدہ اضلاع میں رابطہ سڑکوں کی بہتری کے لیے خیبرپختونخوا رورل ایکسیسبیلٹی پراجیکٹ کے تحت 39,028 ملین جاپانی ین کا قرض بھی حاصل کیا گیا، جس کی مالیت اربوں روپے کے برابر بنتی ہے۔

محکمہ خزانہ کے ذرائع کے مطابق، ان منصوبوں کے علاوہ دیگر متعدد ترقیاتی سکیموں کے لیے بھی بڑے پیمانے پر غیر ملکی قرضے لیے گئے، جس سے صوبے کے مالی بوجھ میں مزید اضافہ ہوگیا ہے۔

📰