سورج زمین کو کیسے نگل لے گا؟ ناسا نے نظامِ شمسی کے انجام کی نئی تصاویر جاری کر دیں

امریکی خلائی ادارے ناسا نے ایسی نئی اور حیران کن تصاویر جاری کی ہیں جو ہمارے سورج اور نظامِ شمسی کے ممکنہ انجام کی جھلک پیش کرتی ہیں۔ 

ناسا کے مطابق یہ تصاویر اس بات کو سمجھنے میں مدد دیتی ہیں کہ سورج اپنی زندگی کے آخری مرحلے میں کیا صورت اختیار کرے گا۔

خلائی ادارے کا کہنا ہے کہ تقریباً پانچ ارب سال بعد سورج اپنا ایندھن ختم ہونے کے بعد شدید طور پر پھیل جائے گا اور آخرکار گرد اور گیس کے ایک بڑے خول میں تبدیل ہو جائے گا، جس کی لپیٹ میں زمین بھی آ سکتی ہے۔

جاری کی گئی تصاویر میں ہیلکس نیبولا کو نمایاں کیا گیا ہے جو زمین سے 650 نوری سال کے فاصلے پر واقع ہے۔

 یہ نیبولا سورج جیسے ایک ستارے کی باقیات پر مشتمل ہے جس کا ایندھن ہزاروں سال قبل ختم ہو چکا تھا۔

ماہرینِ فلکیات نے اس مرتے ہوئے ستارے سے خارج ہونے والے تین نوری سال چوڑے گیس کے دائرے کے اندر موجود غیر معمولی ساختوں کو بھی اجاگر کیا ہے۔ 

ناسا کے مطابق یہ تصاویر ہمارے سورج اور پورے نظامِ شمسی کے مستقبل کا ایک قریبی نظارہ فراہم کرتی ہیں۔