ڈومز ڈے کلاک کا نیا وقت جاری؛ دنیا تباہی کی دہلیز پر پہنچ گئی

واشنگٹن: غیر منافع بخش ادارے Bulletin of the Atomic Scientists نے سال 2026 کے لیے ڈومز ڈے کلاک کا نیا وقت جاری کر دیا ہے، جس کے مطابق دنیا آدھی رات (Midnight) کے انتہائی قریب پہنچ چکی ہے۔

سائنس اینڈ سیکیورٹی بورڈ (SASB) کے مطابق گھڑی میں اب آدھی رات سے صرف 85 سیکنڈ باقی ہیں، جو عالمی تباہی کے خطرات میں اضافے کی علامت ہے۔

بورڈ کے ایک رکن نے خدشہ ظاہر کیا کہ سابق امریکی صدر ٹرمپ کی قومی سلامتی کے لیے تجویز کردہ ’گولڈن ڈوم‘ منصوبہ دنیا کے لیے خطرہ بن سکتا ہے اور خلا میں اسلحہ دوڑ یا جنگ کا سبب بن سکتا ہے۔

SASB نے ایٹمی ہتھیاروں کے خطرات پر بھی تشویش ظاہر کی اور بتایا کہ ہتھیار بنانے کی دوڑ جاری ہے۔

 اگر روس اور امریکا کے درمیان موجودہ اسلحہ سازی کے معاہدے ختم ہو گئے تو بڑے پیمانے پر ہتھیار ذخیرہ کیے جا سکتے ہیں۔

بورڈ نے خبردار کیا کہ گولڈن ڈوم منصوبہ، جس کے تحت خلا میں ہتھیار رکھنے کی بات ہو رہی ہے، روس اور چین کی جانب سے جوابی اقدامات کو بڑھا سکتا ہے اور خلائی تنازعات کے خطرات میں اضافہ کر سکتا ہے۔

 ٹرمپ نے اس منصوبے میں گرین لینڈ کی کلیدی حیثیت بھی بارہا بیان کی ہے۔