ایران پر حملے کی صورت میں پورے خطے کا امن خطرے میں پڑ جائے گا، ایرانی آرمی چیف کی امریکا و اسرائیل کو سخت وارننگ

دنیا - 31 جنوری 2026

ایران کے آرمی چیف جنرل امیر حاتمی نے امریکا اور اسرائیل کو کسی بھی ممکنہ حملے سے خبردار کرتے ہوئے کہا ہے کہ ایرانی مسلح افواج مکمل طور پر ہائی الرٹ پر ہیں۔

غیر ملکی خبر ایجنسی کے مطابق جنرل امیر حاتمی نے کہا کہ اگر دشمن نے کوئی بھی غلط قدم اٹھایا تو اس کے نتائج صرف ایران تک محدود نہیں رہیں گے بلکہ پورے خطے کی سلامتی شدید خطرے میں پڑ جائے گی۔

انہوں نے مزید کہا کہ کسی جارحیت کی صورت میں صہیونی ریاست کی سلامتی بھی محفوظ نہیں رہے گی۔

ایرانی آرمی چیف کا کہنا تھا کہ ایران کی جوہری تنصیبات، سائنس اور ٹیکنالوجی کو ختم کرنا ممکن نہیں، چاہے قوم کے سائنسدان اور فرزند شہید ہی کیوں نہ ہو جائیں، ایران کی جوہری صلاحیت برقرار رہے گی۔