نادیہ خان کا طنز: بہروز سبزواری کو تنگ کپڑے پسند نہیں، اس لیے لباس پر خیال کرنا پڑتا ہے

پاکستان کی معروف میزبان اور اداکارہ نادیہ خان نے سینئر اداکار بہروز سبزواری کے خواتین کے لباس پر کیے گئے بیانات پر طنز کیا ہے۔

حال ہی میں ایک نجی شو کے دوران گفتگو کرتے ہوئے نادیہ خان نے بتایا کہ اداکارہ عتیقہ اوڈھو نے شو میں صبا قمر کے کردار اور لباس کی تعریف کی، اور کہا کہ لباس تھوڑا زیادہ چُست ہونا چاہیے۔

اس موقع پر نادیہ خان نے طنز کرتے ہوئے کہا:

نہیں، وہ تنگ لباس بہروز سبزواری کو پسند نہیں، اس لیے خیال کرنا پڑتا ہے۔ 

وہ سختی سے منع کرتے ہیں کہ چُست کپڑے نہیں ہونے چاہئیں، اس لیے میں نے خیال کیا تاکہ کوئی ناراض نہ ہو۔

واضح رہے کہ کچھ عرصہ قبل بہروز سبزواری نے ایک انٹرویو میں کہا تھا کہ خواتین جو تنگ کپڑے پہنتی ہیں، انہیں دیکھنا ناگوار ہوتا ہے، اور موٹرسائیکل پر بیٹھنے والی خواتین کو بھی مناسب لباس کا انتخاب کرنا چاہیے۔ 

ان کا کہنا تھا کہ یہ سب گھر کی تربیت اور تربیتی رویوں کا نتیجہ ہے۔