یو اے ای میں طلباء کے لیے اے آئی ایجنٹس متعارف، روزگار اور کیریئر کے مواقع تک آسان رسائی

متحدہ عرب امارات میں طلباء کے لیے مائیکروسافٹ نے جدید مصنوعی ذہانت (AI) پر مبنی ایجنٹس متعارف کرا دیے ہیں، جو روزگار کی تلاش اور کیریئر کی منصوبہ بندی میں معاون ثابت ہوں گے۔

یہ اے آئی سسٹم طلباء کے تعلیمی پس منظر، دلچسپیوں اور مہارتوں کا تجزیہ کر کے انہیں موزوں ملازمتوں، انٹرنشپس اور تربیتی پروگراموں سے جوڑے گا۔

حکام کے مطابق یہ AI ایجنٹس نہ صرف موجودہ جاب مارکیٹ کے مواقع سے آگاہ کریں گے بلکہ ریزیومے تیار کرنے، انٹرویو کی تیاری اور کیریئر ڈویلپمنٹ سے متعلق رہنمائی بھی فراہم کریں گے۔

ماہرین کا کہنا ہے کہ اس ٹیکنالوجی سے نوجوانوں کی صلاحیتوں اور مارکیٹ کی ضروریات کے درمیان بہتر ہم آہنگی ممکن ہو سکے گی، جس سے روزگار کی تلاش کا عمل زیادہ تیز، مؤثر اور شخصی بن جائے گا۔