شاہد آفریدی: پاکستان کا بھارت کے خلاف میچ کھیلنے کا فیصلہ خوش آئند

قومی کرکٹ ٹیم کے سابق کپتان شاہد آفریدی نے ٹی 20 ورلڈ کپ میں بھارت کے خلاف کھیلنے کے فیصلے کو خوش آئند قرار دیا اور کہا کہ اس سے کرکٹ کی روح برقرار رہی اور ٹورنامنٹ کی ساکھ محفوظ ہوئی۔

سوشل میڈیا ویب سائٹ ایکس پر اپنے بیان میں آفریدی نے کہا کہ حکومتِ پاکستان کے فیصلے سے ایونٹ کا تقدس برقرار رہا اور عالمی سطح پر کھیل کے استحکام کو بھی یقینی بنایا گیا۔

انہوں نے مزید کہا کہ کرکٹ نے جیت حاصل کی اور یہ کھیل دنیا میں فاصلے کم کرنے اور اختلافات ختم کرنے میں پل کا کردار ادا کرتا رہے گا۔

اعلامیے کے مطابق حکومت پاکستان نے قومی کرکٹ ٹیم کو بھارت کے خلاف شیڈول میچ کھیلنے کی اجازت دی، جس سے بنگلہ دیش، سری لنکا، متحدہ عرب امارات اور دیگر ممبر ممالک کی درخواستوں اور مشوروں کو بھی سراہا گیا۔