آصف زرداری کا سیاسی مشورہ: “اگر جیل نہیں کاٹ سکتے تو کوئی آسان کام کریں”

وہاڑی: صدر آصف علی زرداری نے عوامی اجتماع سے خطاب میں کہا کہ ہماری حکومت ایک واضح وژن پر قائم ہے اور ہمارا ارادہ ہے کہ شہباز شریف اور مریم نواز کے ساتھ مل کر کام کریں۔

 انہوں نے سابقہ PTI حکومت اور فیض حمید کی کارکردگی پر تنقید کرتے ہوئے کہا کہ عمران خان کے دور میں حکومت صحیح طریقے سے نہیں چلائی گئی۔

صدر زرداری نے بلوچستان کے عوام کے مسائل کو اجاگر کرتے ہوئے کہا کہ سیاست میں داخل ہونے کے لیے مشکلات برداشت کرنا ضروری ہے۔

 “میں نے 14 سال جیل میں گزارے، جب باہر آیا تو میرے بچے مجھ سے بڑے ہو گئے۔ سیاست قربانیوں کا تقاضا کرتی ہے۔ اگر جیل نہیں کاٹ سکتے تو کوئی آسان کام کریں”، انہوں نے کہا۔

انہوں نے زرعی ترقی کی اہمیت پر زور دیتے ہوئے بتایا کہ انہوں نے سندھ میں گندم کی قیمتوں میں توازن قائم کیا اور ڈیڑھ لاکھ ایکڑ زرعی زمین آباد کی۔ پانی کے مؤثر استعمال کے حوالے سے پنجاب کو راوی سے اپنا پانی نکالنے کی ہدایت بھی دی۔

زرداری نے خواتین کو بااختیار بنانے کے اقدامات جیسے بینظیر انکم سپورٹ پروگرام اور زمین و گھروں کے مالکانہ حقوق کی تقسیم کو بھی اجاگر کیا۔

 شہر کے مسائل پر بات کرتے ہوئے انہوں نے کراچی میں آلودگی، پانی اور خراب سڑکوں کے مسائل کا ذکر کیا اور سندھ میں ڈاکو راج کے خاتمے اور پلوں کی تعمیر پر روشنی ڈالی۔