انسٹاگرام نیا اے آئی ٹول متعارف کرانے جا رہا ہے، اسٹوریز میں تصاویر کے لیے ہموار ٹرانزیشن فراہم کرے گا

فوٹو شیئرنگ پلیٹ فارم انسٹاگرام ایک نئے اے آئی ٹول پر کام کر رہا ہے جو اسٹوریز میں پوسٹ کی جانے والی تصاویر کے درمیان ہموار ٹرانزیشن پیدا کرے گا اور سادہ سلائیڈ شو کو ویڈیو کی طرح پیش کرے گا۔

اس فیچر، جسے "اے ٹرانزیشن" کہا جا رہا ہے، کو پہلی بار ریورس انجینئر الیسانڈرو پیلوزی نے منظر عام پر لایا، اور متعدد ذرائع نے اس پیشرفت کی تصدیق کر دی ہے۔

موجودہ فیچر میں صارفین متعدد تصاویر اپ لوڈ کرتے ہیں جو ایک سادہ سلائیڈ ٹو سلائیڈ سیکوئنس بناتی ہیں، جبکہ نیا اے آئی ٹول دو تصاویر کے درمیان خلا کو خود بخود پر کرے گا اور انہیں ہموار طریقے سے جوڑے گا۔

یہ فیچر موجودہ "سیپریٹ" موڈ کے ساتھ پیش کیا جائے گا اور انسٹاگرام کی جانب سے مصنوعی ذہانت کی شمولیت کے اقدامات کے تحت پلیٹ فارم میں شامل کیا جا رہا ہے۔