ایپل اپنے صارفین کے لیے ایپل میپس پر اشتہارات متعارف کرانے جا رہا ہے

ٹیکنالوجی کمپنی ایپل نے اعلان کیا ہے کہ وہ رواں برس امریکا اور کینیڈا میں ایپل میپس پر اشتہارات دکھانا شروع کرے گی۔

کمپنی کی جانب سے بتایا گیا ہے کہ میپنگ ایپ میں آرگینک سرچ نتائج کے اوپر اسپانسرڈ مواد نظر آئے گا۔

تاہم، ایپل نے ابھی تک نئے ایڈورٹزمنٹ وینچر سے متوقع آمدنی یا ڈھائی ارب فعال ڈیوائسز میں سے کتنے صارفین میپ سروس باقاعدگی سے استعمال کرتے ہیں، کے بارے میں کوئی معلومات فراہم نہیں کی ہیں۔

تجزیہ کار گِل لاؤریا کے مطابق، ایپل میپس میں اشتہارات کا تعارف ایپل کے سروسز بزنس کے لیے ایک اضافی موقع فراہم کر سکتا ہے۔ 

انہوں نے کہا کہ ایپل زیادہ تر منافع سروسز بزنس سے حاصل کرتا ہے اور یہ اقدام اس نمو میں ایک اور تہہ کا اضافہ کر سکتا ہے۔