پاکستان پیپلز پارٹی کے چیئرمین بلاول بھٹو زرداری نے کہا ہے کہ بھارت نے حالیہ دہشت گرد حملے کے حوالے سے نہ صرف پاکستان بلکہ اپنی ہی عوام کے ساتھ بھی شواہد شیئر نہیں کیے۔
عرب میڈیا کو دیے گئے ایک انٹرویو میں بلاول بھٹو زرداری کا کہنا تھا کہ بھارت کی نسبت پاکستان کو دہشت گردی کے زیادہ سنگین اور مسلسل خطرات کا سامنا رہا ہے، اور پاکستان نے دہشت گردوں کا بھرپور مقابلہ کیا ہے۔
انہوں نے کہا کہ پہلگام حملے کے بعد بھارت نے نہ تو پاکستان کو اور نہ ہی عالمی برادری کو کوئی ثبوت فراہم کیے، جو کہ ایک سنجیدہ تشویش کا باعث ہے۔
بلاول بھٹو نے مزید کہا کہ پاکستان کو بھارت کی جانب سے دہشت گردی میں ملوث ہونے سمیت کئی دیگر معاملات پر تحفظات ہیں، جن پر توجہ دینا ضروری ہے۔
دیکھیں
