ملک کے مختلف حصوں میں بارشوں کی پیش گوئی

news-banner

تازہ ترین - 08 اگست 2025

محکمہ موسمیات نے پیش گوئی کی ہے کہ آج ملک کے کئی علاقوں میں بارش کا امکان ہے، جبکہ آئندہ 24 گھنٹوں کے دوران پنجاب کے متعدد اضلاع میں بارشیں متوقع ہیں۔


محکمہ موسمیات کے مطابق اسلام آباد، بالائی پنجاب، خیبرپختونخوا اور کشمیر کے مختلف حصوں میں کہیں کہیں گرج چمک کے ساتھ تیز بارش ہو سکتی ہے۔


کراچی اور سندھ کے ساحلی علاقوں میں مطلع جزوی ابر آلود رہنے کا امکان ہے، جبکہ بعض مقامات پر ہلکی بارش یا بونداباندی ہو سکتی ہے۔


پنجاب ڈیزاسٹر مینجمنٹ اتھارٹی (پی ڈی ایم اے) کے ترجمان کا کہنا ہے کہ صوبے کے بیشتر اضلاع میں بارشوں کی پیش گوئی کے پیشِ نظر صورتِ حال پر مسلسل نظر رکھی جا رہی ہے۔


ترجمان کے مطابق اس وقت تربیلا، کالاباغ، چشمہ اور تونسہ میں دریاؤں کا بہاؤ معمول کے مطابق ہے، جبکہ تربیلا ڈیم 96 فیصد اور منگلا ڈیم 62 فیصد تک بھر چکا ہے۔