وزیرِ اعظم کا این ڈی ایم اے کی امدادی سرگرمیوں اور تیاریوں کا جائزہ

news-banner

موسم - 12 اگست 2025

وزیرِ اعظم محمد شہباز شریف سے این ڈی ایم اے کے چیئرمین لیفٹیننٹ جنرل انعام حیدر ملک نے ملاقات کی، جس میں حالیہ بارشوں اور سیلاب سے متاثرہ افراد کیلئے جاری امدادی سرگرمیوں اور آئندہ ممکنہ ہنگامی صورتحال سے نمٹنے کی تیاریوں پر بریفنگ دی گئی۔

وزیرِ اعظم کو گلگت بلتستان میں پیشگی اطلاع کے نظام کو مکمل فعال بنانے اور وزارتِ موسمیاتی تبدیلی کے ساتھ اس ضمن میں تعاون کی پیش رفت سے بھی آگاہ کیا گیا۔ وزیرِ اعظم نے ہدایت کی کہ این ڈی ایم اے صوبائی حکومتوں کے ساتھ تعاون مزید مربوط بنائے تاکہ متاثرین کی مدد اور بحالی کے عمل میں تیزی لائی جا سکے۔

مزید برآں، وزیرِ اعظم نے ہدایت کی کہ موسم کی صورتحال کے پیش نظر خطرے سے دوچار علاقوں کے عوام کو بروقت آگاہی اور رہنمائی فراہم کی جائے۔