صدر آصف علی زرداری اور وفاقی وزیر مذہبی امور کا اقلیتی حقوق اور بین المذاہب ہم آہنگی پر تبادلہ خیال

news-banner

پاکستان - 12 اگست 2025

صدر مملکت آصف علی زرداری سے وفاقی وزیر برائے مذہبی امور سردار محمد یوسف نے ایوان صدر میں ملاقات کی۔
ملاقات میں اقلیتی حقوق کے تحفظ، مذہبی رواداری کے فروغ اور بین المذاہب ہم آہنگی پر تفصیلی تبادلہ خیال ہوا۔
صدر مملکت نے اقلیتی عبادت گاہوں کو غیر قانونی قبضوں سے واگزار کرانے کے لیے مؤثر اقدامات کی ضرورت پر زور دیا اور وزارت کی اقلیتوں کے لیے خدمات کو سراہا۔
وفاقی وزیر نے بتایا کہ اقلیتی فلاحی فنڈ سے 2 ہزار 236 طلبہ کو 6 کروڑ روپے کے وظائف دیے گئے جبکہ 1 ہزار 231 ضرورت مندوں کو مالی امداد فراہم کی گئی۔
مزید بتایا کہ 32 اقلیتی عبادت گاہوں کی مرمت اور تزئین کے لیے 4 کروڑ 50 لاکھ روپے مختص کیے گئے ہیں۔
بیساکھی، گورو نانک دیو جی کی سالگرہ، کٹاس راج اور سادھو بیلا جیسی تقریبات کے لیے مفت سہولیات فراہم کی جا رہی ہیں۔
نفرت انگیز تقاریر کی روک تھام کے لیے مختلف مذاہب کے علما سے مشاورت کی جاتی ہے۔
وفاقی وزیر نے اقلیتوں کے مسائل کے حل اور حقوق کے فروغ میں دلچسپی اور تعاون پر صدر مملکت کا شکریہ ادا کیا۔