حکومت نے پیٹرولیم مصنوعات کی قیمتوں میں کمی کا اعلان

news-banner

کاروبار - 16 اگست 2025

وزارتِ خزانہ نے پیٹرولیم مصنوعات کی قیمتوں میں رد و بدل کا نوٹیفکیشن جاری کر دیا ہے۔

 

اعلان کے مطابق ڈیزل کی قیمت میں 12 روپے 84 پیسے فی لیٹر کمی کر دی گئی ہے، جس کے بعد ڈیزل کی نئی قیمت 272 روپے 99 پیسے فی لیٹر مقرر کی گئی ہے۔

 

پیٹرول کی قیمت بغیر کسی تبدیلی کے 264 روپے 61 پیسے فی لیٹر برقرار رہے گی۔

 

اسی طرح مٹی کے تیل کی قیمت میں 7 روپے 19 پیسے فی لیٹر کمی کر کے نئی قیمت 178 روپے 27 پیسے فی لیٹر مقرر کر دی گئی ہے، جبکہ لائٹ ڈیزل آئل کی قیمت میں 8 روپے 20 پیسے فی لیٹر کمی کے بعد نئی قیمت 162 روپے 37 پیسے فی لیٹر ہو گئی ہے۔

 

وزارت خزانہ کے مطابق پیٹرولیم مصنوعات کی یہ نئی قیمتیں آج رات بارہ بجے سے نافذالعمل ہوں گی۔