امریکی ٹیرف کے خدشات پر مودی کا خود انحصاری کا اعلان، لال قلعے سے سخت لہجہ اپنایا

news-banner

دنیا - 16 اگست 2025

امریکی اضافی ٹیرف کے خطرے کے پیش نظر بھارتی وزیر اعظم نریندر مودی نے ملک میں خود انحصاری کو ناگزیر قرار دیتے ہوئے سخت لہجہ اپنایا۔ یومِ آزادی پر لال قلعے سے خطاب میں مودی نے کہا: “خون اور پانی ساتھ نہیں بہہ سکتے”، اور کسانوں کے مفادات کے تحفظ کا وعدہ کیا۔

 

مودی نے کہا کہ بھارت کو عالمی معاشی خود غرضی کے ماحول میں اپنی طاقت پر انحصار کرنا ہوگا۔ انہوں نے توانائی کے شعبے میں خود کفالت، دفاعی نظام کی مقامی تیاری اور قومی مفادات کے بھرپور تحفظ کے عزم کا اظہار کیا۔

 

وزیر اعظم کا کہنا تھا کہ خود انحصاری ترقی یافتہ بھارت کی بنیاد ہے، اور ملک کو سیمی کنڈکٹر چپس، لڑاکا طیاروں کے انجن، فوجی ساز و سامان، اسپیس اسٹیشن اور آئندہ دہائی میں دفاعی شیلڈ بنانے پر کام کرنا ہوگا۔

 

یاد رہے کہ مودی کا یہ بیان ایسے وقت میں سامنے آیا ہے جب امریکا نے روسی تیل کی خریداری بند نہ کرنے پر بھارت کو 27 اگست سے درآمدی ٹیرف 25 سے 50 فیصد تک بڑھانے کی دھمکی دی ہے۔