ایشیا کپ 2025: پاک بھارت ٹاکرے سے اشتہارات اور اسپانسرشپ ریٹس میں ریکارڈ اضافہ

news-banner

کھیل - 18 اگست 2025

ایشیا کپ 2025 کے دوران پاک بھارت میچز کی وجہ سے اسپانسرشپ اور اشتہارات کے نرخ تاریخ کی بلند ترین سطح پر پہنچ گئے ہیں۔

 

بھارتی میڈیا کے مطابق پاک بھارت میچ کے دوران ٹی وی پر 10 سیکنڈ کے اشتہار کی قیمت 16 لاکھ بھارتی روپے تک جا پہنچی ہے، جبکہ کو-پریزنٹنگ پارٹنرشپ کا ریٹ 18 کروڑ بھارتی روپے مقرر کیا گیا ہے۔ ایسوسی ایٹ پارٹنرشپ 13 لاکھ روپے اور اشتہاری پیکیج 4.48 کروڑ بھارتی روپے میں دستیاب ہے۔

 

ڈیجیٹل ایڈ ریٹس بھی آسمان کو چھو رہے ہیں، جس میں کو-پریزنٹنگ اور ہائی لائٹس پارٹنرشپ 30، 30 کروڑ بھارتی روپے میں دستیاب ہے، جبکہ کو-پاورد پیکیج کی قیمت 18 کروڑ روپے رکھی گئی ہے۔ رائٹس ہولڈرز کو ایشیا کپ کی ریکارڈ توڑ ویورشپ کی توقع ہے۔

 

ایشیا کپ 9 ستمبر کو متحدہ عرب امارات میں شروع ہو گا، پاکستان اور بھارت ایک ہی گروپ میں شامل ہیں۔ پہلا پاک بھارت میچ 14 ستمبر کو کھیلا جائے گا، ممکنہ سپر فور مقابلہ 21 ستمبر کو ہوگا، جبکہ دونوں ٹیموں کے فائنل میں پہنچنے کی صورت میں تیسرا ٹاکرا بھی ممکن ہے۔