نوبیل حکام کا انتباہ: ٹرمپ کی پالیسیوں سے امریکا کی سائنسی برتری خطرے میں

سویڈن میں نوبیل انعام کے منتظمین نے خبردار کیا ہے کہ ڈونلڈ ٹرمپ کی سائنسی پالیسیوں پر حملے امریکا کی عالمی سائنسی قیادت کو کمزور کر رہے ہیں اور اس کے منفی اثرات دنیا بھر میں مرتب ہو سکتے ہیں۔

رپورٹ کے مطابق، امریکی صدر نے اربوں ڈالر کی فنڈنگ کاٹ دی، جس سے تعلیمی آزادی، موسمیاتی تبدیلی، ویکسینز اور تنوع سے متعلق تحقیق براہ راست نشانہ بنی۔ اس کے نتیجے میں NIH کے 2,100 تحقیقاتی منصوبے بند کر دیے گئے۔

ماہرین کے مطابق اگر امریکی سائنسی قیادت مزید کمزور ہوئی تو یہ نہ صرف امریکا بلکہ عالمی تحقیق اور ترقی کے لیے بھی نقصان دہ ثابت ہو گا۔ رائل سویڈش اکیڈمی کے سیکرٹری جنرل نے کہا کہ دوسری جنگ عظیم کے بعد امریکا نے جرمنی کی جگہ سائنسی برتری حاصل کی تھی، لیکن اب یہ مقام کھونے کے خطرے سے دوچار ہے۔