ساہیوال میں پولیس کی بڑی کارروائی، 10 کلو چرس برآمد، منشیات فروش گرفتار

ساہیوال کے نواحی علاقے 51 بارہ ایل اسٹاپ پر پولیس نے منشیات فروش کے خلاف بڑی کارروائی کرتے ہوئے 10 کلوگرام چرس برآمد کرلی۔

پولیس ترجمان کے مطابق، اوکانوالہ بنگلہ پولیس نے خفیہ اطلاع پر کارروائی کرتے ہوئے ملزم جاوید جٹ کو گرفتار کیا۔

ترجمان کا کہنا ہے کہ ملزم کے قبضے سے بھاری مقدار میں منشیات برآمد ہوئی جو شہر میں سپلائی کرنے کی منصوبہ بندی کی جا رہی تھی۔

پولیس نے موقع پر ہی مقدمہ درج کر کے تفتیش شروع کر دی ہے تاکہ ملزم کے ساتھیوں اور نیٹ ورک کا پتہ لگایا جا سکے۔

ڈی پی او ساہیوال رانا طاہر رحمان نے بروقت کارروائی پر پولیس ٹیم کو شاباش دیتے ہوئے کہا کہ منشیات کے خلاف زیرو ٹالرنس پالیسی پر سختی سے عمل جاری رہے گا۔