پیوٹن کی امریکی صدر کے غزہ امن منصوبے کی حمایت، خونریزی کے خاتمے پر زور

روسی صدر ولادیمیر پیوٹن نے امریکی صدر کے غزہ امن منصوبے کی حمایت کرتے ہوئے کہا ہے کہ روس ہر اُس کوشش کی حمایت کرے گا جس کا مقصد غزہ میں جاری خونریزی کو ختم کرنا ہو۔

غیر ملکی خبر رساں ادارے کے مطابق، صدر پیوٹن نے کہا کہ روس ایسے تمام اقدامات میں تعاون کے لیے تیار ہے جو خطے میں امن و استحکام کے قیام میں مددگار ثابت ہوں۔

 ان کا کہنا تھا، "ہمیں امید ہے کہ صدر ٹرمپ کے منصوبے پر مؤثر عمل درآمد کیا جائے گا تاکہ غزہ میں انسانی المیہ ختم ہو سکے۔"

روسی صدر نے اپنے مؤقف کو دہراتے ہوئے کہا کہ مشرقِ وسطیٰ کے مسائل کا حل صرف مذاکرات اور سفارتکاری کے ذریعے ممکن ہے۔

 انہوں نے اس بات پر زور دیا کہ خطے میں پائیدار امن کے لیے ایک آزاد اور خودمختار فلسطینی ریاست کا قیام ضروری ہے۔