لوئر دیر کی تاریخ میں پہلی بار خصوصی بچوں اور بچیوں کو فرنٹیئر کور نارتھ کے تعاون سے دیر اسکاؤٹس نے ایف سی ہیڈکوارٹر تیمرگرہ کا دورہ کرایا۔ اس دورے میں 30 خصوصی طلباء و طالبات شامل تھے، جنہیں دیر اسکاؤٹس کے چاق و چوبند دستے نے سلامی پیش کی۔
خصوصی طلباء و طالبات نے یادگارِ شہداء پر پھول چڑھائے اور وطن کی خاطر قربانیاں دینے والوں کے لیے دعا کی۔ بعدازاں طلباء و طالبات کو ایف سی کی جانب سے مختلف اقسام کے اسلحے اور دفاعی سازوسامان کے بارے میں تفصیلی معلومات دی گئیں، جس میں بچوں نے گہری دلچسپی کا مظاہرہ کیا۔
طلباء و طالبات کا کہنا تھا کہ وہ اس تاریخی موقع پر نہایت خوش ہیں اور خود کو باعزت شہری محسوس کر رہے ہیں۔
"ہم دیر اسکاؤٹس اور برگیڈیئر ثناء اللہ صاحب کے بہت شکر گزار ہیں جنہوں نے ہمیں آج اتنی عزت دی اور یہ یادگار لمحہ عطا کیا۔
اس موقع پر کمانڈنٹ دیر اسکاؤٹس برگیڈیئر ثناء اللہ ملک نے خصوصی بچوں سے ملاقات کی اور ان میں تحائف تقسیم کیے۔ خصوصی بچوں نے برگیڈیئر صاحب کو ہار پہنائے اور شکریہ ادا کیا۔
ایف سی ہیڈکوارٹر تیمرگرہ کے احاطے میں “پاکستان زندہ باد” اور “پاک فوج زندہ باد” کے فلک شگاف نعرے گونجتے رہے، اور یہ پورا منظر حب الوطنی کے جذبات سے بھرپور تھا۔
دیکھیں
