ایشیائی ترقیاتی بینک کی پاکستان کے لیے 33 کروڑ ڈالر کی منظوری، کلین انرجی ٹرانسمیشن پروجیکٹ کا آغاز

ایشیائی ترقیاتی بینک (ADB) نے پاکستان میں کلین انرجی ٹرانسمیشن پروجیکٹ کے لیے 33 کروڑ ڈالر قرض کی منظوری دے دی ہے۔

اس منصوبے کے تحت اسلام آباد سے فیصل آباد تک 290 کلومیٹر طویل اور 500 کلو واٹ کی ٹرانسمیشن لائن بچھائی جائے گی، جو گرڈ کو جدید بنایا جائے گا۔

اعلامیے میں بتایا گیا ہے کہ اس اقدام سے درآمدی ایندھن پر انحصار کم ہوگا اور توانائی کی سیکیورٹی مضبوط ہوگی۔ 

منصوبے کے مکمل ہونے کے بعد صارفین کو سستے نرخوں پر بجلی فراہم کی جا سکے گی اور شمال سے جنوب توانائی کی منتقلی کے مسائل بھی حل ہوں گے۔

ایشیائی ترقیاتی بینک کے مطابق یہ منصوبہ پاکستان کے توانائی کے شعبے میں پائیدار ترقی اور کلین انرجی کے فروغ میں اہم کردار ادا کرے گا۔