اینٹی نارکوٹکس فورس کی بڑی کارروائی، 329 کلوگرام منشیات برآمد، 4 گرفتار

news-banner

پاکستان - 20 نومبر 2025

اینٹی نارکوٹکس فورس (A.N.F) نے ملک کے مختلف شہروں میں منشیات کے خلاف بڑی کارروائیاں کرتے ہوئے مجموعی طور پر 329.22 کلوگرام منشیات برآمد کرلی ہیں اور 4 ملزمان کو گرفتار کیا ہے۔

 

A.N.F کے ترجمان کے مطابق یہ کارروائیاں لاہور، حیدرآباد، پشاور، بھکر اور لورالائی میں کی گئیں، جن میں 284.226 کلو ہیروئن، 36 کلو چرس اور 9 کلو آئس ضبط کی گئی۔

 

تمام گرفتار ملزمان کے خلاف انسداد منشیات ایکٹ 1997 کے تحت مقدمات درج کیے گئے ہیں اور مزید تحقیقات جاری ہیں۔

 

ترجمان نے کہا کہ A.N.F ملک بھر میں منشیات فروشوں اور سمگلرز کے خلاف اپنی زیرو ٹالرنس پالیسی کے تحت کارروائیاں جاری رکھے ہوئے ہے۔