بنگلادیش میں زلزلے کے جھٹکے، شدت 5.7 ریکارڈ، ڈھاکا اور مشرقی بھارت میں بھی محسوس

news-banner

دنیا - 21 نومبر 2025

بنگلادیش میں زلزلے کے شدید جھٹکے محسوس کیے گئے، جن کی شدت ریکٹر اسکیل پر 5.7 ریکارڈ کی گئی۔ دارالحکومت ڈھاکا اور دیگر شہروں کے شہری خوفزدہ ہو کر گھروں اور دفاتر سے باہر نکل آئے۔

 

بنگلادیش محکمہ موسمیات کے مطابق زلزلہ مقامی وقت کے مطابق صبح 10 بج کر 38 منٹ پر آیا، اور اس کا مرکز نرسنگدی ضلع تھا، جو ڈھاکا سے تقریباً 50 کلومیٹر شمال مشرق میں واقع ہے۔ زلزلے کی گہرائی 10 کلومیٹر ریکارڈ کی گئی۔

 

کولکتہ سمیت مشرقی بھارت کے کئی علاقوں میں بھی جھٹکے محسوس کیے گئے۔ تاحال کسی بھی جانی یا مالی نقصان کی اطلاع نہیں ملی، تاہم شہریوں میں خوف و ہراس پایا گیا۔