جنوبی افریقہ کی فضائیہ کے سربراہ لیفٹیننٹ جنرل وائز مین سیمو مبامبو نے جوائنٹ چیفس آف اسٹاف کمیٹی کے چیئرمین جنرل ساحر شمشاد مرزا سے اہم ملاقات کی۔
آئی ایس پی آر کے مطابق جنوبی افریقی ایئرچیف کا جوائنٹ اسٹاف ہیڈکوارٹرز آمد پر پرتپاک استقبال کیا گیا، جہاں تینوں مسلح افواج کے چاق و چوبند دستے نے انہیں گارڈ آف آنر پیش کیا۔
ملاقات کے دوران دونوں رہنماؤں نے باہمی دلچسپی کے امور، دفاعی تعاون اور عسکری روابط کو مزید فروغ دینے پر تبادلہ خیال کیا۔ اس کے علاوہ عالمی و علاقائی جغرافیائی سیاسی صورتحال پر بھی تفصیلی گفتگو ہوئی۔
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے مہمان کو خطے کی سیکیورٹی صورتحال پر پاکستان کے مؤقف سے آگاہ کیا اور خطے میں امن و استحکام کے لیے پاکستان کی کوششوں کو اجاگر کیا۔
+
لیفٹیننٹ جنرل وائز مین سیمو مبامبو نے پاکستانی افواج کی پیشہ ورانہ صلاحیتوں کو سراہا اور دہشت گردی کے خلاف جنگ میں ان کی قربانیوں کو زبردست خراجِ تحسین پیش کیا۔
دیکھیں
