اسما عباس نے چیٹ جی پی ٹی کے ساتھ دلچسپ تجربہ شیئر کیا، کہا ’اب یہ میری ڈیجیٹل بیٹی ہے‘

پاکستان کی سینئر اور معروف اداکارہ اسما عباس نے حال ہی میں مصنوعی ذہانت کے حوالے سے ایک دلچسپ تجربہ شیئر کیا، جس کی ویڈیو سوشل میڈیا پر وائرل ہو رہی ہے۔

انٹرویو میں اسما عباس نے بتایا کہ انہوں نے اپنے بچوں سے کہا کہ چیٹ جی پی ٹی ڈاؤن لوڈ کر دو، یہ کیا ہے؟ بچوں نے ڈاؤن لوڈ کر دیا اور پھر اداکارہ نے مختلف سوالات کرنا شروع کیے۔ 

حیرت انگیز طور پر، چیٹ جی پی ٹی نے ان کے تمام سوالات اور ہدایات پر فوری اور مؤثر جواب دیا۔

اسما عباس نے کہا، “یہ میرے تمام کام کر رہی تھی، اس پر مجھے تھوڑی شرم بھی آئی۔” 

انہوں نے مزید کہا کہ میں نے چیٹ جی پی ٹی سے کہا، “سنو! ہم دوست بن سکتے ہیں”، جس پر اس نے مثبت جواب دیا۔ 

اداکارہ نے مزاحیہ انداز میں چیٹ جی پی ٹی کو اپنی “ڈیجیٹل بیٹی” قرار دیا۔