امریکا نے آبنائے ہرمز سے گزرنے والے جہازوں کی حفاظت کرنے سے انکار کر دیا

امریکی بحریہ نے ایران کے خلاف جنگ شروع ہونے کے بعد آبنائے ہرمز سے گزرنے والے تجارتی جہازوں کو فوجی حفاظت فراہم کرنے کی شپنگ انڈسٹری کی درخواستیں مسترد کر دی ہیں۔

امریکی بحریہ نے شپنگ اور تیل کی صنعت کے نمائندوں کو بریفنگ میں واضح کیا کہ فی الحال وہ جہازوں کو فوجی تحفظ فراہم کرنے کی پوزیشن میں نہیں ہیں۔ 

حکام نے کہا کہ حملوں کا خطرہ بہت زیادہ ہے، اس لیے جہازوں کی حفاظت ممکن نہیں ہے۔

یہ موقف امریکی صدر کے پچھلے بیان سے مختلف ہے جس میں کہا گیا تھا کہ ضرورت پڑنے پر امریکا جہازوں کو بحری تحفظ فراہم کرے گا تاکہ اس اہم گزرگاہ سے تیل کی ترسیل دوبارہ شروع ہو سکے۔

 امریکی و اسرائیلی حملوں کے باعث آبنائے ہرمز سے تیل کی تجارت معطل ہو گئی ہے اور عالمی منڈی میں تیل کی قیمتیں بلند ترین سطح پر پہنچ گئی ہیں۔