معروف بھارتی ماہرِ غذائیت رُجوتا دیویکر نے انکشاف کیا ہے کہ بالی ووڈ اداکارہ کرینہ کپور خان گزشتہ 18 برس سے تقریباً وہی سادہ مگر متوازن غذا کھا رہی ہیں۔ ایک حالیہ انٹرویو میں رُجوتا نے بتایا کہ "2007 میں جب ہم نے ایک ساتھ کام شروع کیا، تب سے لے کر آج تک کرینہ کا غذا کا معمول لگ بھگ وہی ہے۔"
رُجوتا، جن کی کتاب "Don't Lose Your Mind, Lose Your Weight" کرینہ کی حوصلہ افزائی سے لکھی گئی، نے کرینہ کی روزمرہ خوراک کی تفصیلات بیان کیں:
- صبح: بادام، کشمش یا انجیر (بھگو کر)
- ناشتہ: پراٹھا یا پوہا
- دوپہر کا کھانا: شوٹنگ کے دوران دال چاول، جبکہ گھر پر روٹی اور سبزی
- شام کا ناشتہ: آم یا آم کا ملک شیک، یا چیز ٹوسٹ
- رات کا کھانا: کھچڑی یا پلاؤ، اور ہفتے میں چار سے پانچ بار گھی والی کھچڑی
-
ماہرِ غذائیت گرما گوئل کے مطابق، دال چاول میں پروٹین اور کاربوہائیڈریٹس کا بہترین توازن پایا جاتا ہے، جو جسم کی نشوونما، پٹھوں کی مضبوطی اور میٹابولزم کے لیے بہترین ہے۔ دال چاول پر گھی ڈالنا اسے توانائی بخش اور سکون دہ "کمفرٹ فوڈ" بناتا ہے۔
گوئل نے مزید بتایا کہ اگر کھچڑی میں ہیِنگ اور زیرہ کا تڑکا لگایا جائے تو وہ ہاضمے میں بہتری اور گیس کے مسائل سے نجات میں مددگار ہوتا ہے۔
کرینہ کی غذا کا یہ معمول اس بات کا ثبوت ہے کہ صحت مند زندگی صرف مہنگے یا فینسی کھانوں سے نہیں، بلکہ سادہ اور غذائیت سے بھرپور کھانوں سے بھی ممکن ہے۔
دیکھیں
